سرگودھا:نجی ہسپتال کی نرس کے قتل کا معمہ حل، خاوند ہی قاتل نکلا 
سرگودھا:مورخہ23.04.20کو نجی ہسپتال سرگودھا میں ملازمت کرنے والی نرس مسماۃ (ف)کو نامعلوم وجوہات کی بنا پر گلہ دبا کر قتل کر دیا گیا تھا۔ اس وقوعہ کا نوٹس لیتے ہوئے ڈسٹرکٹ پولیس آفیسر فیصل گلزار ایس ڈی پی او سٹی سرکل اے ایس پی احمد شاہ اور ایس ایچ او تھانہ سیٹلائٹ ٹاؤن کو فوری مقدمہ درج کرکے ملزمان کی گرفتاری کا حکم دیا۔ جس پر ایس ایچ او تھانہ سیٹلائٹ ٹاؤن طارق عرفان نے اپنی ٹیم کے ہمراہ دن رات محنت کرکے سی سی ٹی فوٹچ اور جدید ٹیکنالوجی کی مدد سے مقتولہ کے خاوند عامر عباس کو حراست میں لیکر انٹروگیشن کی جس نے انکشاف کیا کہ اس نے اپنی بیوی کوبدچلنی کے شبہ میں گلہ دبا کر قتل کیا تھا۔ گرفتارملزم کے خلاف حسب ضابطہ کاروائی شروع کر دی گئی ہے مزید تفتیش جاری ہے۔
(ترجمان سرگودھا پولیس)
Tuesday, April 28, 2020