تھانہ کوٹمومن موٹرسائکل گینگ گرفتار آٹھ موٹرسائکل و ناجائز اسلحہ برامد

سرگودہا:تھانہ کوٹمومن پولیس کی بڑی کاروائی، موٹرسائیکل چور گینگ کا سرغنہ سمیت چارملزمان گرفتار۔آٹھ موٹرسائیکل اور ناجائزاسلحہ برآمد
سرگودہا: ڈسٹرکٹ پولیس آفیسر عمارہ اطہر کی ہدایت پرموٹرسائیکل چوری کی وارداتوں کے پیش نظر ایس ایچ او تھانہ کوٹ مومن انسپکٹر قیصر عباس کی سربراہی میں اسسٹنٹ سب انسپکٹر وقاراحمد قریشی پرمشتمل خصوصی ٹیم تشکیل دی گئی۔جس پر ایس ایچ او تھانہ کوٹ مومن نے اپنی ٹیم کے ہمراہ دن رات محنت کرکے موٹرسائیکل چوری کی وارداتیں کرنے والے گینگ کے سرغنہ محمد اعظم ولد اللہ دتہ سکنہ جلہ مخدوم کواسکے ساتھیوں اللہ بخش ولد جہاناں سکنہ جلہ مخدوم اور ناصر علی ولد شیرا سکنہ جلہ مخدوم کو گرفتارکرلیا ہے۔ گرفتارملزمان سے لاکھوں روپے مالیت کے آٹھ موٹرسائیکل برآمد کرکے اصل مالکان کے حوالے کردیئے گئے ہیں۔ علاوہ ازیں تھانہ کوٹ مومن پولیس نے ناجائزاسلحہ رکھنے والے ملزم عامر ریاض ولد محمد ریاض سکنہ چک نمبر19جنوبی کے قبضہ سے رائفل444بور، بندوق12بور اور پسٹل30بور معہ گولیاں برآمد ہوئیں۔ گرفتارملزم عامر ریاض کے خلاف نائزاسلحہ رکھنے کی دفعات کے تحت مقدمہ درج کرلیا گیا ہے۔
(ترجمان سرگودہا پولیس)